Wulkotnje zarjadowa so do koła wuměłcow tež chór Meja pod dirigentstwom Judith Kubicec. Tajke spěwy kaž „Dobre ranje“ po teksće Michała Nawki a dalše zanjesechu Mejenjo z wjesołej wutrobu a hłósnje čisće. Serbske Nowiny: 6. februara 2006 wo koncerće na česć 145. narodnin Bjarnata Krawca w Budyskim Serbskim muzeju Smy a wostanjemy lajkojo. Tola hdys a hdys wužaduje nas dirigentka Judith Kubicec hač k hranicy nam móžneho – to sylnje skutkuje. Wona na nas stajnje pozitiwnje wuprudźa. Serbske Nowiny: Angelika Häneltowa, předsydka towarstwa Meja, 20.januara 2006 Myslu sej ... zo je měła Meja wulke zbožo, zo je Judith Kubicec w swojim času wuměłski nawod chóra přewzała. Chcemy Bohu być dźakowni, zo sej wona wot prjedownikow zdźědźene bohatstwa – nabožnosć a narodnosć – waži a tohodla tež spomóžnje w našim ludźe skutkuje. Katolski Posoł: Ludwig Zahrodnik 8.januara 2006, po Hodownym koncerće w Haslowje Chór Meja z Radworja blisko Budyšina. Drje jenički serbski chór dwurěčneje Łužicy, kotryž pěstuje hižo na 110 lět bjez přestawki swoje serbske spěwy. Njewšědna zwukowa barba, kotraž móže tež němskemu słucharjej pod kožu hić. Nic jeno patoržicu! MDR I, Radio Sakska: Moderatorka Peggy Wolter 24.dezembra 2005 Radworski wječork daše začuwać hłuboku zwjazanosć tamnišich wjesnjanow k swojemu bywšemu wučerjej Nawce. Chór Meja swojeho něhdyšeho wuměłskeho nawodu z jeho spěwami počesći, ke kotrymž bě spisał teksty a samo někotre hudźby. Serbske Nowiny: 22.nowembra 2005 po 120. narodninach basnika, wučerja a dirigenta Michała Nawki Serbske ewangelske towarstwo je zhromadnje z wosadnym fararjom Ulrichom Hutterom-Wolandtom přihotowało počesćenje składnostnje 270.posmjertnin Mateja Jokiša, kotryž skutkowaše wot 1698 hač do swojeje smjerće 1735 jako farar w Hbjelsku. ... Na nastork předsydy Domowiny, Jana Nuka wuhotowa chór Meja w juniju 2001 w Radworju beneficny koncert. Jeho wunošk 450 eurow přepoda předsydka chóra, Angelika Häneltowa na wčerawšej Božej słužbje, na kotrejž spěwachu kemšerjo wotměnjejo serbsce a němsce. Ze swojej dirigentku Judith Kubicec su Mejenjo k wuměłskej dostojnosći swjatočnosće přinošowali. Serbske Nowiny: 10.oktobra 2005 wo swjatočnosći w Hbjelsku Mjeńše dźěći z pěstowarnje, trochu wjetše ze šule. Kak dołho budźe trać – budu spěwać tež wone w Radworskim młodźinskim chórje. Z njeho přeńdu do Meje. A naspěwawši so, budu sedźeć mjez připosłucharjemi. Dźěćina - młodźina - star(š)ina = płódny kołoběh Radworskeje Meje. Katolski Posoł: Pawoł Rota 19.junija 2005, po koncerće při wjesnej Starej cyrkwičce Radworska "Meja" je wuběrny serbski chór. Ale što by wón za swojich čłonow był bjez zetkanjow zwonka wustupow a koncertow? "Meja", to je kaž wulka serbska swójba. MDR, serbski rozhłós 2.apryla 2003, po štyri hodźinskim wjedźenju po Budyskim jastwje To dyrbiš jemu wostajić: Towarstwo "Meja" ma w 110. lěće swojeho wobstaća telko čłonow kaž drje hišće ženje. A tež na swój starobny přerězk smě chór hordy być. Sächsische Zeitung 18.januara 2003 Profesionalnosć dirigentki Judith Kubicec so w kóždej wot njeje zdźěłaneje a nawjedowaneje twórbje jasnje wotbłyšćowaše. Serbske Nowiny 30.decembra 2002, wo Hodownym koncerće w Radworju Lutherska cyrkej swj. Pawoła w Serbinje bě na dnju serbskeho swjedźenja njedźelu dopołdnja na kemšomaj kopata połna. Hdyž zanjese chór "Meja" rjane spěwy z wótcneho kraja, stupachu nam sylzy do wočow. Mysle chwatachu k pra- a praprawótcam, kiž běchu tu něhdy na samsnych cyrkwinych ławkach sedźeli. Sandra Matthijetz z Houstona/Texas, oktober 2002, po wopyće chóra w Texasu, w časopisu "Pomhaj Bóh" Jako w Serbinskej cyrkwi sedźo na serbski kěrluš chóra słuchach, předstajich sej, zo bě tele rjane spěwanje podobne na te, kotrež běštaj pradźěd a prawowka před wjele lětami w samsnej cyrkwi słyšałoj. A zaso so mi wuwědomi, kajke zbožo mam, zo sym runje nětko tu a zo směm tole dožiwić. Jan Slack z Austina/Texas, oktober 2002, po wopyće chóra w Texasu, w časopisu "Pomhaj Bóh" Budźemy tež my łužiscy Serbja jónu tak za našimi korjenjemi pytać kaž potomnicy Serbow w Texasu? Tam je so serbske narodne wědomje po 1854 jara spěšnje drjebiło. Próca horliweho Jana Kiliana a jeho sobuwojowarjow njezamó tomu zadźěłać. Budźmy kedźbliwi, zo nas we Łužicy samsny dóńt njedosćehnje. Serbske Nowiny 4.oktobra 2002, po wustupach w Serbinje a Austinje/Texas Štóž sej mysleše, zo zanjese "Meja" swój 50. hodowny koncert po tradicionalnym wašnju, bě so mylił. Spěwarjo z nowej dirigentku Judith Kubicec mějachu lute wosebitosće přihotowane. ... Moderatorka njezwosta jenička, kotraž publikum po programje wodźeše. Mnozy spěwarjo jimachu so słowa a zabawjachu publikum na cyle powabne wašnje.... Serbske Nowiny, 9.januara 2002 Wopytowarjo dožiwichu zajimawy a wotměnjawy hodowny program, w kotrymž zaklinčachu tež ludowe spěwy: serbske, pólski a čěski. "Meja" předstaji so zdobom z nowej koncepciju. Njeběchu to wjace jenož spěwy, ale šěršo wuhotowany program, na přikład z reju. Katolski Posoł, 6.januara 2002 Jedyn z najrjeńšich a najlěpje wopytanych serbskich nazymskich koncertow lěta 2001 běše w Rogowje/Horno zaklinčał. ... Předewšěm zaklinčachu nazymske spěwy: jara melancholisce, zdźěla zrudnje, ale potom tež zaso wjesele. ... To bě wulkotny koncert! Delnjoserbski tydźenik Nowy Casnik, 17.nowembra 2001 Dźakowano "Meje" běše to najrjeńši nazymski koncert, kotryž smy hdy w Rogowje dožiwili. ... Dołhož wona spěwaše, zdaše so mi, jako bych był w njebjesach. Wopytowarjej koncerta w ORB-delnjoserbskim rozhłosu, 4.nowembra 2001 Stolětny narodninar, kiž je přewšo čerstwy a młody! SZ Drježdźany, 14.januara 1995, k 100.-lětnemu jubilejej chóra Čłonojo "Meje" wobhladuja swoje dźěło w chórje jako swój konik, ale zdobom tež jako wažne narodne dźěło. Spěwarjo su wšitcy angažowani Serbja, kiž su sej swojeje tradicije wědomi. Tradicije su za nich jara wuznamne. Nimale wšitcy rěča w swojich swójbach serbsce. ... Bjezdwěla: "Meja" je w zašłych 100 lětach kulturne žiwjenje Radworskeje wokoliny jara wowliwowała. Rozhłosowy sćelak "MDR Kultur", 22.julija 1995